Kiwanisklúbburinn Eldey

Eldey

Fundir í húsi hafnir á ný

Frá fundi Eldeyjar

Eldeyjarfélagar eru aftur farnir að hittast í húsi. Í kvöld var þriðji slíki fundur frá því Covid fór að skekja allt. Félagar eru afskaplega sáttir við að geta loksins hist aftur og átt góða stund. Eins og margir aðrir Kiwanis klúbbar þá voru fundir um þónokkuð skeið hafðir á fjarfundaformi. Það gekk allt án vandkvæða en það er nú alltaf skemmtilegra að hittast svona „á staðnum“.

Hjálmar afhentir

Það var fallegur hópur krakka sem tóku við hjálmum fimmtudaginn síðastliðinn, 7. maí, á Rútstúni í Kópavogi.

Um þessar mundir fara fram afhendingar Kiwanisfélaga á hjálmum til grunnskólabarna. Þetta er án efa eitt af skemmtilegustu verkefnunum sem við sinnum.

Hvað er Kiwanis?

Kiwanis er alheimssamtök sjálfboðaliða sem hafa að markmiði að bæta heiminn með þjónustu í þágu barna.

Kiwanis er alþjóðleg þjónustuhreyfing manna og kvenna, sem hafa áhuga á að taka virkan þátt í að bæta samfélagið, og láta gott af sér leiða.  Í samstarfi fá þessir aðilar áorkað því sem einstaklingar geta ekki einir. Frjálst samstarf gerir þeim kleift að vinna að alþjóðlegum verkefnum innan hinnar alþjóðlegu hreyfingar.

Þeir vinna einnig að umbótum á landsvísu.  Ekki síst vinna þeir að mannúðar og framfaramálum sem horfa til heilla fyrir bæjarfélag þeirra, sem opinberir aðilar annað hvort vilja ekki eða geta ekki sinnt.  Þannig verða þeir leiðandi aðilar í sínu byggðarlagi.

Sem dæmi má nefna aðstoð við ungt fólk eða aldrað, náttúruvernd, þróun félagslegrar aðstöðu og eflingu vináttu og skilnings milli manna og þjóða.  En hvert svo sem markmið Kiwanisfélaga er, er þeim öllum sameiginlegur þjónustuviljinn og löngunin til að eignast góða félaga innan klúbbsins síns og Kiwanishreyfingarinnar.

Kiwanisklúbburinn Eldey er hluti af umdæminu Ísland – Færeyjar. Nánari upplýsingar má sjá á síðu kiwanis.is